【Neutrogena Visible Repair維A醇抗皺修護精華】 近年廣為人知好用的A醇，作為敏感肌一直唔敢試A醇，最近皮膚穩定左好多，又遇到Neutrogena 有呢個試用活動，幸運地抽中左，所以都想回饋分享一下真實的用後感。 ▋收到後第一時間先試在手背上，香味都幾明顯。 我塗的份量唔算多（如圖），沒有任何唔舒服，晚上就先局部用喺鼻同下巴位置，我皮膚情況係未去到酒米但就好多閉塞黑頭，因為之前戴幾年口罩，由零黑頭變到毛孔粗大，唔平滑。 ▋用左兩日效果已經幾明顯，粒粒同角質層無咁厚，平左啲，同推到好多細粒粒出來，到第四日小量甩皮，實在太好甩晒啲死皮！！ 但之後又開始無咩反應，用左一星期相安無事就試下全面用，用建議的正常份量查上手試下先，今次feel到好似有啲拮拮刺痛，似神經入面發出來那種，但無紅，絕對可以接受，唔會嚇親你，反而對比曾經用過既果酸，果酸更加刺激。 塗上面只有面頰兩邊有小小呢種感覺之外，其他都無問題，仲即時變到好亮白！如果覺得乾嘅話，大約隔半個小時之後再塗上保濕嘅產品。 ▋試用左大約兩星期，總括，我敏感肌都岩用，使用A醇需要建立耐受性，不過基本上我鼻同下巴日日用都無問題，官方建議剛開始一星期3至2次，請自己衡量返，使用的頻率，量力而為，同埋我只在晚上用，如早上用必定要做好防曬。 另外，因為我有去做激光脫面毛，所以脫毛前一日我唔會用，但做完laser隔日敷完面膜之後照用，都無問題，呢款係溫和同時又有效力，如果第一次接觸A醇，你一定會睇到有分別。 同埋價錢相宜，30ml可以塗埋眼週，極推薦初入門同敏感肌又想試用A醇的朋友踏出第一步，亦好岩進行完醫美的人用，醫生都建議之後使用A醇作為一個保養去延長效果。 多謝收看，希望幫到大家， 祝大家都擁有健康又漂亮的皮膚！